Башҡорт теле һәм әҙәбиәте уҡытыусыһы
Ғәйнетдинова Фәниә Марс ҡыҙы сайты
Хамматов Яныбай Хаммат улы
1925 йылдың 16 ғинуарында БАССР-ҙың Тамьян-Ҡатай кантоны Исмаҡай ауылында крәҫтиән ғаиләһендә тыуған. 1929 йылда, уға 4 йәш тигәндә, әсәһе, унан һуңырак атаһы үлә. Туғандарын ҡарау, тәрбиәләү бурысы Яныбайға төшә. 11 йәшендә ул уҡырға керә: ҡышын Инйәр мәктәбендә уҡый, йәйен приискелә эшләй. 15 йәшенән Үрге Әүжән алтын приискаһында эшләй.
Башҡорт әҙәбиәтенең классигы Мәжит Ғафури (Ғәбделмәжит Нурғәни улы Ғафуров) 1880 йылдың 2 авгусында Башҡортостандың Стәрлетамаҡ өйәҙе (хәҙерге Ғафури районы) Елемҡаран ауылында хәлфә ғаиләһендә тыуған. Ете йәштән үҙҙәренең ауыл мәҙрәсәһенә уҡырға инә. Бер аҙҙан һуң Елемҡарандан алыҫ түгел Үтәш ауылы мәҙрәсәһендә уҡып белем ала.
Зәйнәб Биишева Башҡортостандың хәҙерге Күгәрсен районы Туйөмбәт ауылында1908 йылдың 2 ғинуарында, бөрйән ырыулы ярлы крәҫтиән Абдулла ғаиләһендә тыуған. Ата-әсәһенән бик иртә етем ҡала. Зирәк ҡыҙ бәләкәй саҡтан белемгә ынтылып үҫә. Әммә тормош ауырлығы арҡаһында 4-се класты фәҡәт 1924 йылда ғына тамамлай. Мәктәп йылдарында ул шиғырҙар яҙа башлай.
Ғарипов, Рәми (Рәмил) Йәғәфәр улы – башҡорт шағиры. (12.2.1932, БАССР-ҙың Салауат районы Арҡауыл ауылында — 20.2.1977, Өфө ҡалаһы). Башҡортостандың халыҡ шағиры (1992, үлгәндән һуң). Салауат Юлаев исемендәге премия лауреаты (1988, үлгәндән һуң). Уның шиғри юлдары афоризмдар булып, йыш ҡына телгә алыналар. Мәҫәлән: "(башҡорт) батшаларға башын эймәгәнде, башҡаларға ғына баш эймәҫ"; "Йөрәгендә халҡы булмағандың кеше булырға ла хаҡы юҡ" һ.б. 1994 йылдан 1-се Башҡорт республика гимназия-интернаты үҙенең күренекле уҡыусыһы Рәми Ғарипов исемен йөрөтә. Ошо уҡ йылда гимназия Рәми Ғарипов исемендәге премия ла булдырҙы.